images/news_page.PNG

Urraíocht

Gabhann an CLRG buíochas lena lucht urraíochta líonmhar as a dtacaíocht agus a gcuid síntiús thar na blianta.

Is mian linn, i gcomhar libhse, imeachtaí na gcraobhchomórtas a bheith ar ardchaighdeán agus, anuas air sin, cur le hiarrachtaí an CLRG i dtaca le forbairt ghairmiúil de agus leis na tionscadail éagsúla a théann chun sochair do dhaoine óga ar fud an domhain. Táimid ag obair ar chláir nua a chuirfidh feabhas ar dheiseanna do rinceoirí ag gach leibhéal.
Tá an-chuid bealaí chun cabhrú leis an gCoimisiún tacú leis an Rince Gaelach. Is féidir urraíocht a dhéanamh ar imeacht ar leith, síntiús a thabhairt do thionscadail faoi leith nó am nó maoiniú a chur ar fáil chun cabhrú leis an CLRG a gcuid cuspóirí a bhaint amach.

Is eagraíocht charthanachta chláraithe é an CLRG atá lonnaithe i mBaile Átha Cliath, Éire, agus a bhfuil baill aici sna mór-ranna go léir.
Tá deis iontach ann do lucht fógraíochta suas le 250,000 rinceoir ar fud na cruinne a shroicheadh. Bíonn dhá mhórimeacht ar siúl againn sa bhliain, Oireachtas Rince na hÉireann (Craobhchomórtais na hÉireann) agus Oireachtas Rince na Cruinne (Craobhchomórtais Rince Gaelach an Domhain). Bíonn breis agus 25,000 duine i láthair na n-imeachtaí seo, idir rinceoirí, mhúinteoirí, ghaolta agus lucht leanúna an Rince Ghaelaigh.

DEISEANNA URRAÍOCHTA:

Fógraíocht ar an suíomh Gréasáin– seol teachtaireacht go dtí an oifig chun spás fógraí a cheannach

CRAOBHCHOMÓRTAIS NA hÉIREANN 2019
CRAOBHCHOMÓRTAIS AN DOMHAIN 2019

Coinnigh súil air seo le haghaidh deiseanna urraíochta, díolacháin agus fógraíochta!

Priontáil

Comhairle Bainistíochta

Déanann an Chomhairle maoirsiú ar ghnóthaí airgeadais, reachtúla agus bainistíochta na heagraíochta, an oifig agus an fhoireann san áireamh.

Priontáil

Rince agus Ceol

Bunaíodh an Coiste Rince agus Ceoil chun súil a choinneáil ar threochtaí sa rince aonair agus sa rince foirne agus moltaí a chur ar fáil don Choimisiún ar conas is fearr a dhéanfar an ghné lárnach seo dár gcultúr a rialú.

I measc na dtascanna ar thug an Coiste fúthu bhí Rincí Seite nua agus raon de luasanna méadranómacha a leagan síos i gcomhair na rincí sin agus rincí eile a dhéantar sna comórtais ar fud an domhain.  

Bhí páirt mhór ag an gcoiste le déanaí in athnuachan lámhleabhar na rincí céilí, Ár Rincí Céilí, a tháinig in áit Ár Rincí Foirne ar an 1 Meán Fómhair 2015. Tá DVD curtha ar fáil ag an gcoiste mar aon leis an lámhleabhar nua a léiríonn na tríocha rince atá istigh sa leabhar Ár Rincí Céilí.

Rince agus Ceol
Tá an seoladh ríomhphoist seo á chosaint ó róbait thurscair. Tá ort JavaScript a chumasú le hamharc air.

Priontáil

CLRG Oireachtas

www.clrgoireachtas.com

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.